寻日讲完「西超」巴塞同皇马，今日就同大家讲吓西甲，马德里体育会虽为争标分子，但从来未受到「西超」双雄般嘅重视，因此往往搵到笋盘，今晚「床单兵团」作客硬撼西维尔，佢哋近年交手食住西军，仲有平手盘咁笋，真係有买趁早。

（now 632周一凌晨2时30分直播）

作客西维尔坐和望赢

老实讲，巴塞同皇马嘅实力于国内高出唔只一筹，被称为「西超」係有一定道理，不过赔率也因此而被过分唱热，让得太辣令投注者却步。另一西甲争标分子马体会，儘管前季打破「西超」垄断捧走联赛锦标，绝对唔嘢小，但庄家开盘嗰阵却始终「手下留情」，赔率未致于去到「西超」般咁乏味。今晚西甲马体会将会作客猪头骨西维尔，睇落唔易啃，不过肥叔亦做足功课，睇番佢哋连盃赛近10次交手，「床单兵团」录得5胜5和不败佳绩，坚有格食格味道，而且以波论波，失血唔少嘅西维尔亦略逊一筹。最重要係，庄家呢场开紧平手盘，坚係坐和望赢格局，肥叔认为佢哋太低估马体会，亦唔排除愈卖愈热会转让平半，趁住仲未转盘快啲入货。

至于肥叔上周贴中嘅维罗纳，今晚于意甲作客热拿亚要掉番转头反佢哋，因为热拿亚嘅特性係主强客弱，呢种情况已持续咗几季，相信短时间难有改变，况且首轮出闸脱脚，今仗必力争赢波反弹，小让平半不容错过。（周一凌晨2时45分直播）